२४ माघ, काठमाडौं । स्पेस टाइम नेटवर्कका अध्यक्ष जमिम शाहको काठमाडौंको लाजिम्पाटमा गोली हानी हत्या भएको छ । बा १५ प ८७ ३३ नम्बरको मोटरसाइकल चढेर आएका दुई व्यक्तिले बा १ च २१ ५१ नम्बरको निजि कारमा सवार शाहलाई आज दिँउँसो गोली हानेका थिए ।

छातिमा गोली लागेर गम्भीर घाइते भएका शाहको काठमाडौंको महाराजगन्जस्थित शिक्षण अस्पतालमा उपचारको क्रममा मृत्यु भएको हो ।

कार चालक काठमाडौं सामाखुशीका मथुरामान मालाकार घाइते हुनुभएको छ । तिघ्रामा गोली लागेका मालाकारको शिक्षण अस्पतालमा उपचार भइरहेको छ ।

प्रहरीले घटनाको अनुसन्धान भइरहेको जनाएको छ ।