समाजिक समाचार बिस्तारमा >>
दलितबस्तीमा दादुराको प्रकोप
१९ फागुन, मार्तडी । बाजुराको कैलाशमाण्डौ गाविसको खिरपाटास्थित दलितबस्तीमा दादुराको प्रकोप फैलिएको छ । औषधि र स्वास्थ्यकर्मीको अभावमा आठ बर्षिय बालक दिलबहादुर नेपालीको मृत्यु भएको छ ।
सदरमुकाम मार्तडीबाट एक दिनको पैदल दूरीमा पर्ने प्रभावित क्षेत्रमा दादुराको प्रकोपबाट सबै बालबालिका थला परेका छन् । स्थानीय स्वास्थ्य संस्थामा स्वास्थ्यकर्मी र औषधि नभएपछि ६० घरपरिवार रहेको दलितबस्तीका बालबालिकाले उपचार पाएका छैनन् ।
बालबालिका थलिएपछि स्थानीय मन्टेश्वरी माविमा प्रावि तहको पठनपाठन बन्द गरिएको छ । १ सय ४५ जना विद्यार्थी अध्ययनरत सो विद्यालयमा प्रावि तहका ६० जना बालबालिका प्रभावित भएका प्रधानअध्यापक पदमबहादुर शाहीले बताउनुभयो ।
दादुराको प्रकोपबारे स्थानीयबासीले खबर गरेपछि बुधबार विहान औषधिसहित स्वास्थ्यकर्मीहरुको टोली प्रभावित क्षेत्रमा पठाइएको जिल्ला अस्पतालका प्रमुख डा. गुणराज अवस्थीले जानकारी दिनुभयो ।
Total Comments :0
|
