आठ स्वर्णसहित ३५ पदक जितेको नेपाल पदक तालिकामा पाँचौ स्थानमा रहेको छ । देशबाहिर भएको सागमा नेपालले यतिधेरै पदक जितेको यो पहिलो हो । यसअघि नेपालमा आयोजित आठौं दक्षिण एशीयाली खेलकुदमा नेपालले सात स्वर्ण जितेको थियो ।

भारत पहिलो, मालदिभ्स अन्तिम

७९ स्वर्ण जितेको भारत १५३ पदकसहित अग्रस्थानमा छ । टेबल टेनिसका केही खेल बाँकी रहँदा पाकिस्तान १८ स्वर्णसहित ७७ पदकका साथ दोस्रो र आयोजक बंगलादेश १७ स्वर्णसहित ९० पदकका साथ तेस्रो स्थानमा रहेका छन् । 

यसैगरी चौथो स्थानमा रहेको श्रीलंकाले १४ स्वर्णसहित ८९ पदक जितेको छ । ७ स्वर्णसहित ३१ पदकका साथ अफगानिस्तान छैठौं र भुटान २ रजत र ३ कास्य सहित सातौं स्थानमा रहेको छ । अन्तिम स्थानमा रहेको मालदिभ्सले एक मात्र काश्य जितेको छ ।

सागको ११ औं संस्करण सम्पन्न हुँदै

सागको ११ औं संस्करण मंगलबार सम्पन्न हुँदैछ । नेपाली समयअनुसार अपरान्ह पौने ४ बजे ढाकाको बंगबन्धु रंगशालामा विशेष समारोहबीच सागको ११ औं संस्करणको समापन गरिनेछ । सागको १२ औं संस्करण दुई वर्षपछि भारतमा आयोजना हुनेछ ।

Total Comments :0